Punjabi Sufi Poet

Posts tagged ‘Taithon tera qurb deedaar mangan’

‘Dunia de Singaar MangaN – دُنیا دے سنگار منگاں’ by Zohra Begum

Na mangan main jannatan, na dunia de singaar mangan
mangan te sohnia taithon tera qurb deedaar mangan

Munh zor paniyan naal main kresan muqablay
sang tera labhan karan kardi phhiran her muamlay
jind tali te rakhhi, smundrein paar mangan
Taithon tera qurb deedaar mangan

Keh kresan main dudhan shehdan diyan nehran
zehr ker samjhawan jannatti takhtan, hooran, lehran
kujh na mangan sohnia main her dum tera piyar mangan
Taithon tera qurb deedaar mangan

Agg lawan dunia noon vichay bahishtan ve sarr dewan
tere qurb laye sajnan main loon loon apna visaar dewan
na mangan kimkhaab te na heeriyan de haar mangan
Taithon tera qurb deedaar mangan
..

دُنیا دے سنگار منگاں
زُھراؔ بیگم

نہ منگاں میں جنتّاں، نہ دُنیا دے سنگار منگاں
منگاں تے سوہنیا تیتھوں تیرا قُرب دیدار منگاں

منہہ زور پانیاں نال کریساں مقابلے
سنگ تیرا لبھن کارن کردی پِھراں ہر معاملے
جِند تلی تے رکھی، سمندریں پار منگاں
تیتھوں تیرا قُرب دیدار منگاں

کیہہ کریساں میں دُدھاں شہداں دیاں نہراں
زہر کر سمجھاواں جنّتی تختاں، حُوراں، لہراں
کجھ نہ منگاں سوہنیا میں ہر دم تیرا پیار منگاں
تیتھوں تیرا قُرب دیدار منگاں

اگ لاواں دنیا نوں، وچے بہشتاں وی ساڑ دیواں
ترے قُرب لیٔی سجناں مین لوں لُوں اپنا وسار دیواں
نہ منگاں کمخواب تے نہ ہیریاں دے ہار منگاں
تیتھوں تیرا قُرب دیدار منگاں
..

Advertisements

Tag Cloud