Punjabi Sufi Poet

Posts tagged ‘RooN: cotton flower’

‘WrraivaN Taqseer Loko’ وڑیواں تقصیر لوکو by Zohra Begum

RooN sreer te wrraivaN taqseer loko
vailnay pa vailay, mandi taqdeer loko

Kamli noon ke pata se wrraivaN vichon kadhna
toonba toonba ker sreer, kakhh ve na chadna
koi nikleya sboota, koi vichay bhan chadna
vailnay niklay na jehrra painjay pa kadhna
koi na jane Zohra hundi ae dilgeer loko

RooN sreer te wrraivaN taqseer loko

Reh gyaN baqi chandriyaN mrorriyaN
painjay ch pa mrorriyaN trorriyaN
inj japda jeker lakhaN chambrriyaN tanborriyaN
Zohra ke karay, oh tuleya, paway pooriyaN
aithay koi na chaldi meri tadbeer loko

RooN sreer te wrraivaN taqseer loko

Pinj pinj pinneya, murr teeliyaN te charrheya
rakhh kunali teeli noon mrorra garrheya
vatt ditiyaN pooniyaN, sah sada ukharreya
uchi hah ve na bharaN, kehrray dur mareya
pooniyan vatdeyan dil noon teeli gaye cheer loko

RooN sreer te wrraivaN taqseer loko

Vatt vata sohnay bhur ditiyaN ptaariyaN
hun lugiyaN hor sanooN khwariyaN
tutta bhaja charkhrra, Zohra cheekaN mariyaN
bharr vinga takla, keh kern vachariyaN
je mukki na taqseer, kuttay khasan meri kheer loko

RooN sreer te wrraivaN taqseer loko
..

وڑیواں تقصیر لوکو

روں سریر تے وڑیواں تقصیر لوکو
ویلنے پا ویلے، مندی تقدیر لوکو

کملی نوں کیہہ پتہ سی وڑیواں وچوں کڈھناں
تُونبہ تُونبہکر سریر، ککھ وی نہ چھڈناں
کویٔ نکلیا ثبوتا، کویٔ وِچّے بھن چھڈناں
ویلنے نکلے نہ جیہڑا پینجے پا کڈھناں
کویٔ نہ جانے زھراؔ ہُندی اے دِلگیر لوکو

روں سریر تے وڑیواں تقصیر لوکو

رہ گیاں باقی چندریاں مروڑیاں
پینجے چ پا مروڑیاں تروڑیاں
إنج جاپدا جیکر لکھاں چمبڑیاں تنبوڑیاں
زھراؔ کیہہ کرے، او تُلیا، پاوے پوریاں
ایتھے کویٔ نہ چلدی میری تدبیر لوکو

روں سریر تے وڑیواں تقصیر لوکو

پِنج پِنج پِنیا، مُڑ تیلیاں تے چاڑھیا
رکھ کنالی تیلی نوں مروڑا گاڑھیا
وٹ دِتیاں پُنیاں، ساہ ساڈا اُکھاڑیا
اچی ہاہ وی نہ بھراں، کیہڑے ڈر ماریا
پُنیاں وٹدیاں دل نوں تیلی گیٔ چِیر لوکو

روں سریر تے وڑیواں تقصیر لوکو

وٹ وٹا سوہنے بھر دتیاں پٹاریاں
ہُن لگیاں ہور سانوں خواریاں
ٹُٹا بھجا چرخڑا، زہراؔ چِیکاں ماریاں
بھیڑ وِنگا تکلا، کیہہ کرن وچاریاں
جے مکی نہ تقصیر، کتّے کھاسن میری کھیر لوکو

روں سریر تے وڑیواں تقصیر لوکو

..
RooN: cotton flower. WrraivaN: cotton flower seed.

Advertisements

Tag Cloud