Punjabi Sufi Poet

Posts tagged ‘Punjabi literature’

‘EhnaN DukhhaN ToN MaiN Vari – ایہناں دُکھّاں توں میں واری’ by Zohra Begum

williamturner-intothegoldensunset-roshnichanda

EhnaN dukhhaN toN maiN vari
jinhaN zindgi saNwari

EhnaN dukhhaN nooN ashiq njat-dahinda kehnday naiN
jadoN aggeiN machdiyaN eh kamlay khushiyaN mnainday naiN
ishq haqeeqi bahjoN mehl marriyan kis kari

EhnaN dukhhaN toN maiN vari
jinhaN zindgi saNwari

Je maiN lal heeray jwahar moti odoN mang behndi
dunia ch tohr ban janday te rooh rondi rehndi
shukr karaN lakhh vari meri sarr ditti soo her tari

EhnaN dukhhaN toN maiN vari
jinhaN zindgi saNwari

Charrehia jehrra khumar loko ohda ve koi mul naaN
jahanaN da malik mera yar bania, ohda koi tul naaN
maiN keh janaN kewaiN laggi yari, Zohra se bad-kari

EhnaN dukhhaN toN maiN vari
jinhaN zindgi saNwari

Kamliye Zohra aj gallaN karaiN payi tooN kehrriyaN
barray cha paye karni aiN tainuN pata na chayaN pandaN jehrriyan
marday teekar saddi kadi tari, kadi nazzari

EhnaN dukhhaN toN maiN vari
jinhaN zindgi saNwari
..

ایہناں دُکھّاں توں میں واری
زھراؔ بیگم

ایہناں دُکھّاں توں میں واری
جنہاں زندگی سنواری

ایہناں دُکھّاں نوں عاشق نجات دہندہ کہندے نیں
جدوں اگیں مچدیاں ایہہ کملے خوشیاں منیدے نیں
عشق حقیقی باہجوں محل ماڑیاں کس کاری!

ایہناں دُکھّاں توں میں واری
جنہاں زندگی سنواری

جے میں لعل ہیرے جواہر موتی اودوں منگ بہندی
دنیا چ ٹَوہر بن جاندے تے روح روندی رہندی
شکر کراں لکھ واری میری ساڑ دِتی سُو ہر تاری

ایہناں دُکھّاں توں میں واری
جنہاں زندگی سنواری

چڑھیا جیہڑا خمار لوکو اوہدا وی کویٔ مُل ناں
جہاناں دا مالک مرا یار بنیا، اوہدا کویٔ تُل ناں
میں کیہ جاناں کیویں لگّی یاری، زھراؔ سی بدکاری

ایہناں دُکھّاں توں میں واری
جنہاں زندگی سنواری

کملیٔیے زھراؔ اج گلّاں کریں پیٔی توں کیہڑیاں
بڑے چأ پیٔی کرنی ایں تینوں پتہ نہ چایٔیاں پنڈاں جیہڑیاں
مردے تیکر ساڈی کدی تاری ، کدی نظّاری

ایہناں دُکھّاں توں میں واری
جنہاں زندگی سنواری
..
Art work
‘Into the Golden Sunset’ by William Turner
From Roshni Chanda.

..
Subscribe to Zohra Begum’s Blog
zohrabegum.wordpress.com
‘LIKE’ her Facebook Page
facebook.com/ZohraBegum
..

‘Pinjray Taarray Panchhi noon – پنجرے تاڑے پنچھی نوں’ by Zohra Begam

fiddleheadfern

Pinjray Taarray Panchhi noon aina na stao loko
bekal ho ke tarrfay, tussein aap dol jao loko

stao jlao bhagaN walio! aashiq cht na lai
dunia de mufadan paron tussan makr barray chlai
mansoobay tuhaday val ve dharay de dharay reh jai
aggay wangoN hakim sab da szawan aapay chai
phattan utay marham lagdeyan tussein vekh jao loko
Pinjray Taarray Panchhi noon aina na stao loko

.

پنجرے تاڑے پنچھی نوں
زھراؔ بیگم

پنجرے تاڑے پنچھی نوں ایناں نہ ستاؤ لوکو
بے کل ہو کے تڑفے، تسیں آپ ڈول جاؤ لوکو

ستاؤ جلاؤ بھاگاں والیو! عاشق چت نہ لاۓ
دنیا دے مفاداں پِچھے تُساں مکر بڑے چلاۓ
منصوبے تہاڈے ول وی دھرے دے دھرے رہ جاۓ
اگے وانگوں حاکم سب دا سزاواں آپے چاۓ
پھٹّاں اتّے مرہماں لگدیاں تسیں ویکھ جاؤ لوکو
پنجرے تاڑے پنچھی نوں ایناں نہ ستاؤ لوکو
..
Subscribe to Zohra Begum’s Blog
zohrabegum.wordpress.com
‘LIKE’ her Facebook Page
facebook.com/ZohraBegum
..

‘Udd Udd JawaiN Kehrray Paasay – اُڈ اُڈ جاویں کیہڑے پاسے’ by Zohra Begum

Nee toon udd udd jawain kehrray paasay
laya ee chattak sanoon, de ja dilasay

sanoon duss duss gallan noori nazareyan diyan
maar ghateya ee Vernay! tereyan lareyan diyan
hun vekhh dunia te saaday banday janday hasay

Nee toon udd udd jawain kehrray paasay

Umar sari munh maut sanoon payee rakhia
ker ker gallan mahi diyan sanoon lalchayi rakhia
hai nee chitar ker arreye,assein mar na jayeye nirasay

Nee toon udd udd jawain kehrray paasay

toon kiran noorani howain, maan tere ve sachay
sadda ratti sah na chhaddeya, taar badhay se kachay
Zohra kehndi kanddeyan khhlotay, reh na jayeye piyasay

Nee toon udd udd jawain kehrray paasay
..

اُڈ اُڈ جاویں کیہڑے پاسے
زھراؔ بیگم

نی توں اُڈ اُڈ جاویں کیہڑے پاسے
لایا ای چٹک سانوں، دے جا دلاسے

سانوں دس دس گلّاں نُوری نظاریاں دیاں
مار گھتیا ای وَیرنے! تیریاں لاریاں دیاں
ہن ویکھ دنیا تے ساڈے بنندے جاندے ہاسے

نی توں اُڈ اُڈ جاویں کیہڑے پاسے

عمر ساری منہ موت سانوں پایٔ رکھیا
کر کر گلّاں ماہی دیاں سانوں للچایٔ رکھیا
ہاۓ نی چتار کر اڑیٔے اسیں مر نہ جایٔیے نراسے

نی توں اُڈ اُڈ جاویں کیہڑے پاسے

تُوں کرن نورانی ہوویں، مان ترے وی سچے اڑیٔے
ساڈا رتی ساہ نہ چھڈیا، تار بدھے سن کچے اڑیٔے
زھراؔ کہندی کنڈیاں کھلوتے، رہ جایٔیے نہ پیاسے

نی توں اُڈ اُڈ جاویں کیہڑے پاسے
..
Subscribe to Zohra Begum’s Blog
zohrabegum.wordpress.com
‘LIKE’ her Facebook Page
facebook.com/ZohraBegum
..

‘Vekhho Vadday de Kaaray – ویکھو وڈے دے کارے’ by Zohra Begum

Vadda vadda suneenda se jehrra, vekhho vadday dae kaaray
lae geya mainun kadh ke vichon, loki labhday phhirn vachaaray
ohdi kaddhi loko, koi morr kiwain vehaarray
ikko akalrri rehna Zohra, dooja ohnday te bhhaaray
..

ویکھو وڈے دے کارے
زھراؔ بیگم

وڈا وڈا سُنیندا سی جیہڑا، ویکھو وڈے دے کارے
لے گیا مینوں کڈھ کے وچوں، لوکی لبھدے پِھرن وچارے
اوہدی کڈھی لوکو، کویئ موڑ کیویں ویہاڑے
اِکّو اکلّڑی رہنا زھراؔ، دُوجا اوہندے تے بھارے
..

‘Hun Asslon Chhutti hoi – ہُن اسلوں چُھٹی ہویٔ’ by Zohra Begum

Chalo chuttian karo saray, hun asslon chhutti hoi
Zohra nomani dukhh saray jhallay, hun duss vich gall na koi

Alf ne maar mukaya, dhahdi meem ne lai phhukkrri
donwan da bhar ikko, bhanwain tol khharro vich takrri
ehday jeha hona na kissay, ohday jeha ve hor na koi
Hun asslon chhutti hoi

Tur gai vichon kamli Zohra jehrri chor se sansar de
le arrea, kath dittay saray, hun gall teri chitarde
nanwan bolay pinjar da, vich ratti nishan na koi
Hun asslon chhutti hoi

Je ainan vadda na hunda te koi mul main pawa laindi
kithay Tori oo Zohra fakeerni, kujh te puchh-puchha laindi
shukar karan lakhh vari, dunia mukki sari, taithon na main khhoi
Hun asslon chhutti hoi
..

ہُن اسلوں چُھٹی ہویٔ
زھرا بیگم

چلو چُھٹیاں کرو سارے‘ ہُن اسلوں چُھٹی ہویٔ
زھراؔ نمانی دُکھ سارے جھلے‘ ہُن دس وچ گل نہ کویٔ

الف نے مار مکایا‘ ڈاہڈی میم نے لایٔ پھکڑی
دونہاں دا بھار إکّو‘ بھاویں تول کھڑو وچ تکڑی
ایہدے جیہا ہونا نہ کسے‘ اوہدے جیہا وی ہور نہ کویٔ
ہُن اسلوں چُھٹی ہویٔ

ٹُر گیٔی وچوں کملی زھراؔ جیہڑی چور سی سنسار دی
لے اڑیا‘ کٹھ دتے سارے‘ ہُن گل تیری چتار دی
نانواں بولے پنجر دا‘ وچ رتی نشان نہ کویٔ
ہُن اسلوں چُھٹی ہویٔ

جے ایناں وڈا نہ ہندا تے کویٔ مُل میں پوا لیندی
کتھے ٹوری او زھراؔ فقیرنی‘ کُجھ تے پُچھ پُچھا لیندی
شکر کراں لکھ واری دنیا مُکّی ساری‘ تیتھوں نہ میں کھویٔ
ہُن اسلوں چُھٹی ہویٔ
..

‘Krodh Da Lawo Tarrka – کرودھ دا لاوؤ تڑکا’ by Zohra Begum

Makran de tussein daal pkawo, krodh da lawo tarrka
hmee jmee pae khaawo peewo, na dur te na koi khatka

Eh maujan char deharray, aakhar tur jana jae
sacheyan de tussein kro na gal, ik din ja pachhtana jae
bughz kdoortan naal beeba, vadh vadh khedo gatka
krodh da lawo tarrka

Hirsan havsan tussan mar chadeya, aqlon dher nadanan
dunya dunya jap na thakko, dunya chad tussein tur janan
othay vahroo kissay na bannna, kha laiso oh phatka?
krodh da lawo tarrka

Zohra Haqeerni arzan kraindi, samjh lawo tussein saray
vaila vehayan kujh na ban-na, na chukko siran te bharay
maut na thalday kursiyan moti, tussein jhal na sakna jhatka
krodh da lawo tarrka

Zohra Fakeerni rang chai bethi ae, ohday ee nain saray
lalari oh aap baitha, rangi jaway ang angyaray
dhiyan behnan ranga lawo chuniyan, veero putro rangawo patka
krodh da lawo tarrka
..

کرودھ دا لاوؤ تڑکا
زھرا بیگم

مکراں دی تسیں دال پکاؤ، کرودھ دا لاوؤ تڑکا
ہمی جمی پے کھاوؤ پیوؤ، نہ ڈر تے نہ کویٔ کھٹکا

ایہہ موجاں چار دیہاڑے، آخر ٹُر جانا جے
سچیّاں دی تسیں کرو نہ گل، اک دن جا پچھتانا جے
بُغض کدورتاں نال بِیبا، ودھ ودھ کھیڈو گتکا
کرودھ دا لاوؤ تڑکا

حِرصاں حوساں تساں مار چھڈیا، عقلوں ڈھیر ناداناں
دنیا دنیا جپ نہ تھکو، دنیا چھڈ تسیں ٹُر جاناں
اوتھے واہرُو کسے نہ بننا، کھا لیسو اوہ پھٹکا؟
کرودھ دا لاوؤ تڑکا

زھراؔ حقیرنی عرضاں کریندی، سمجھ لوؤ تسیں سارے
ویلا ویہایٔیاں کُجھ نہ بننا، نہ چُکّو سِراں تے بھارے
موت نہ ٹھلدے کرسیاں موتی، تسیں جھل نہ سکنا جھٹکا
کرودھ دا لاوؤ تڑکا

زھراؔ فقیرنی رنگ چایٔ بیٹھی، اوہدے ای نیں سارے
للاری اوہ آپ بیٹھا، رنگی جاوے انگ انگیارے
دھیّاں بہناں رنگا لوؤ چُنیاں، ویرو پُترو رنگاوؤ پٹکا
کرودھ دا لاوؤ تڑکا
..

Tag Cloud