Punjabi Sufi Poet

Posts tagged ‘میں روواں کلم کلّی’

‘AssaN VakhtaN Phharray – اساں وختاں پھڑے’ by Zohra Begum

AzlaN de laggi yari shalla torr charrhay
pooriyaN aap pawaiN, assaN vakhtaN phharray

Rooh phharr ke rabba tooN dunia te ghalli
aissay paroN Zohra kamli barri museebat jhalli
de jhalki tooN vaat na puchhi, main rowaN kallam-kalli
loki vekhhan taarriyaN maraN, vekhho kamli challi
AzlaN tooN ee sohniya, tere naal marrhay
assaN vakhtaN phharray

JadoN maut varad hundi ae, ik pal laye parda chukna aiN
butt ch val saah pa ke murr kehrri galoN lukna aiN
eh vehar tera, naalay door naalay nairray dhukna aiN
khauray injay dukhhaN maareyaN nooN raaheiN ch rolna aiN
Zohra vargay dukhhaN sehnday, teri gali ja varray
assaN vakhtaN phharray

Do pirraN vich phhassa ke murr puchhi na vaat meri
ohnaN vaileyaN rowaN jad vekhhi se jhaat teri
eh duss sohniya! tooN ke samjheya bherri ae zaat meri
eh bherri laggay rogg umraN, betthi bolay kam-jaat teri
Sari umar sohniyaN de sanglaN rahay karray
assaN vakhtaN phharray
..

اساں وختاں پھڑے
زھراؔ بیگم

ازلاں دی لگی یاری شالا توڑ چڑھے
پوریاں آپ پاویں، اساں وختاں پھڑے

روح پھڑ کے ربّا توں دنیا تے گھلّی
ایسے پاروں زھراؔ کملی بڑی مصیبت جھلّی
دے جھلکی توں وات نہ پُچھی، میں روواں کلم کلّی
لوکی ویکھن تاڑیاں مارن، ویکھو کملی جھلّی
ازلاں توں ای سوہنیا تیرے نال مڑھے
اساں وختاں پھڑے

جدوں موت وارد ہندی اے، إک پل لیئ پردہ چکنا ایں
بُت چ ول ساہ پا کے مڑ کیہڑی گلوں لکنا ایں
ایہہ ویہار ترا، نالے دور نالے نیڑے ڈُھکنا ایں
خورے اینجے ای دُکھاں ماریاں نوں راہیں چ رولنا ایں
زھراؔ ورگے دکھاں سہندے، تیری گلیں جا وڑے
اساں وختاں پھڑے

دو پِڑاں وچ پھسا کے مڑ پُچھی نہ وات میری
اوہناں ویلیاں روواں جد ویکھی سی جھات تیری
ایہہ دس سوہنیا! توں کیہہ سمجھیا بھیڑی اے ذات میری
ایس بھیڑی لگے روگ عمراں، بیٹھی بولے کم جات تیری
ساری عمر سوہنیادے سنگلاں رہے کڑے
اساں وختاں پھڑے
..

Advertisements

Tag Cloud