Punjabi Sufi Poet

Chalo chuttian karo saray, hun asslon chhutti hoi
Zohra nomani dukhh saray jhallay, hun duss vich gall na koi

Alf ne maar mukaya, dhahdi meem ne lai phhukkrri
donwan da bhar ikko, bhanwain tol khharro vich takrri
ehday jeha hona na kissay, ohday jeha ve hor na koi
Hun asslon chhutti hoi

Tur gai vichon kamli Zohra jehrri chor se sansar de
le arrea, kath dittay saray, hun gall teri chitarde
nanwan bolay pinjar da, vich ratti nishan na koi
Hun asslon chhutti hoi

Je ainan vadda na hunda te koi mul main pawa laindi
kithay Tori oo Zohra fakeerni, kujh te puchh-puchha laindi
shukar karan lakhh vari, dunia mukki sari, taithon na main khhoi
Hun asslon chhutti hoi
..

ہُن اسلوں چُھٹی ہویٔ
زھرا بیگم

چلو چُھٹیاں کرو سارے‘ ہُن اسلوں چُھٹی ہویٔ
زھراؔ نمانی دُکھ سارے جھلے‘ ہُن دس وچ گل نہ کویٔ

الف نے مار مکایا‘ ڈاہڈی میم نے لایٔ پھکڑی
دونہاں دا بھار إکّو‘ بھاویں تول کھڑو وچ تکڑی
ایہدے جیہا ہونا نہ کسے‘ اوہدے جیہا وی ہور نہ کویٔ
ہُن اسلوں چُھٹی ہویٔ

ٹُر گیٔی وچوں کملی زھراؔ جیہڑی چور سی سنسار دی
لے اڑیا‘ کٹھ دتے سارے‘ ہُن گل تیری چتار دی
نانواں بولے پنجر دا‘ وچ رتی نشان نہ کویٔ
ہُن اسلوں چُھٹی ہویٔ

جے ایناں وڈا نہ ہندا تے کویٔ مُل میں پوا لیندی
کتھے ٹوری او زھراؔ فقیرنی‘ کُجھ تے پُچھ پُچھا لیندی
شکر کراں لکھ واری دنیا مُکّی ساری‘ تیتھوں نہ میں کھویٔ
ہُن اسلوں چُھٹی ہویٔ
..

Makran de tussein daal pkawo, krodh da lawo tarrka
hmee jmee pae khaawo peewo, na dur te na koi khatka

Eh maujan char deharray, aakhar tur jana jae
sacheyan de tussein kro na gal, ik din ja pachhtana jae
bughz kdoortan naal beeba, vadh vadh khedo gatka
krodh da lawo tarrka

Hirsan havsan tussan mar chadeya, aqlon dher nadanan
dunya dunya jap na thakko, dunya chad tussein tur janan
othay vahroo kissay na bannna, kha laiso oh phatka?
krodh da lawo tarrka

Zohra Haqeerni arzan kraindi, samjh lawo tussein saray
vaila vehayan kujh na ban-na, na chukko siran te bharay
maut na thalday kursiyan moti, tussein jhal na sakna jhatka
krodh da lawo tarrka

Zohra Fakeerni rang chai bethi ae, ohday ee nain saray
lalari oh aap baitha, rangi jaway ang angyaray
dhiyan behnan ranga lawo chuniyan, veero putro rangawo patka
krodh da lawo tarrka
..

کرودھ دا لاوؤ تڑکا
زھرا بیگم

مکراں دی تسیں دال پکاؤ، کرودھ دا لاوؤ تڑکا
ہمی جمی پے کھاوؤ پیوؤ، نہ ڈر تے نہ کویٔ کھٹکا

ایہہ موجاں چار دیہاڑے، آخر ٹُر جانا جے
سچیّاں دی تسیں کرو نہ گل، اک دن جا پچھتانا جے
بُغض کدورتاں نال بِیبا، ودھ ودھ کھیڈو گتکا
کرودھ دا لاوؤ تڑکا

حِرصاں حوساں تساں مار چھڈیا، عقلوں ڈھیر ناداناں
دنیا دنیا جپ نہ تھکو، دنیا چھڈ تسیں ٹُر جاناں
اوتھے واہرُو کسے نہ بننا، کھا لیسو اوہ پھٹکا؟
کرودھ دا لاوؤ تڑکا

زھراؔ حقیرنی عرضاں کریندی، سمجھ لوؤ تسیں سارے
ویلا ویہایٔیاں کُجھ نہ بننا، نہ چُکّو سِراں تے بھارے
موت نہ ٹھلدے کرسیاں موتی، تسیں جھل نہ سکنا جھٹکا
کرودھ دا لاوؤ تڑکا

زھراؔ فقیرنی رنگ چایٔ بیٹھی، اوہدے ای نیں سارے
للاری اوہ آپ بیٹھا، رنگی جاوے انگ انگیارے
دھیّاں بہناں رنگا لوؤ چُنیاں، ویرو پُترو رنگاوؤ پٹکا
کرودھ دا لاوؤ تڑکا
..

Gallan karein toon kehrriyan, zra soch toon
keeh toon keeh auqaat teri, pochnay na poch toon
gallan ker ker waDeyan malkan diyan, keeh paye chtarni ain
Chup ker nee Kamliye Zohra, kiyun jhall paye Khlarni ain

Dar khauf na aaway ratti, be-Dar hoiyun kahnoon
preet preet da piTTain DhanDora, dilRi laiyo kahnoon
saR-bal je hoyoon kola, muR lokan kiyun sunani ain
Chup ker nee Kamliye Zohra, kiyun jhall paye Khlarni ain

Je inje toon kurlana se, neu waDeyan naal na lana se
andray ee mar jana se, razan toon pardah na lahna se
aap PhaRkdi rehyun umar sari, hun lokan kiyun PhaRkani ain
Chup ker nee Kamliye Zohra, kiyun jhall paye Khlarni ain

Swadi pakdiyan oho, rijhan kajiyan jehRiyan
hwaRaan baahar kaDhan, howan rajj kachiyan jehRiyan
changa rijha ya manda, lokan kiyun paye chKhani ain
Chup ker nee Kamliye Zohra, kiyun jhall paye Khlarni ain

Inj te Zohra Fakeerniye toon aslon jana Phaati
kachay kamman mel sdaawain, oh na mraisi jhaati
tyar howan toon pehlan, daaj daawan kiyun paye Khlarni ain
Chup ker nee Kamliye Zohra, kiyun jhall paye Khlarni ain
Hor gal aaway na koi, ainwain laafaan paye maarni ain
..

چُپ کرنی کملئیے زُھراؔ

گلاں کریں توں کیہڑیاں ذرا سوچ توں
کیہہ توں کیہہ اوقات تیری‘ پوچنے نہ پوچ توں
گلاں کر کر وڈیاں مالکاں دیاں‘ کیہہ پٔی چتارنی ایں
چُپ کرنی کملئیے زُھراؔ‘ کیوں جھل پٔی کھلارنی ایں

ڈر خوف نہ آوے رتّی‘ بےڈر ہویئوں کاہنوں
پریت پریت دا پٹیں ڈھنڈورا‘ دِلڑی لایئو کاہنوں
سڑ بل کے جے ہویئوں کولہ‘ مڑ لوکاں کیوں سُنانی ایں
چُپ کرنی کملئیے زُھراؔ‘ کیوں جھل پٔی کھلارنی ایں

جے اِنجے تُوں کُرلانا سی‘ نیو وڈیاں نال نہ لانا سی
اندرے ای مر جانا سی‘ رازاں توں پردہ نہ لاہنا سی
آپ پھڑکدی رہیوں عمر ساری‘ ہُن لوکاں کیوں پھڑکانی ایں
چُپ کرنی کملئیے زُھراؔ‘ کیوں جھل پٔی کھلارنی ایں

سوادی پکدیاں اوہو‘ رِجھّن کچیاں جیہڑیاں
ہواڑاں باہر کڈھن ہوون رج کے کچیاں جیہڑیاں
چنگا رِجھا یا مندا‘ لوکاں کیوں پیٔ چکھانی ایں
چُپ کرنی کملئیے زُھراؔ‘ کیوں جھل پٔی کھلارنی ایں

اِنج تے زُھراؔ فقیرنیئے توں اسلوں جانا پھاتی
کچّے کمّاں میل سداویں‘ او نہ مریسی جھاتی
تیار ہوون توں پہلاں کیوں داج داون پیئ کھلارنی ایں
چُپ کرنی کملئیے زُھراؔ‘ کیوں جھل پٔی کھلارنی ایں
ہور گل نہ آوے کویئ‘ ایویں لافاں پیئ مارنی ایں
..

Zanjeeran kass ke mainun le chalo
jithey assal baharaan lagiyan nain

Ik paasay ishq mahi da ae
doojay paasay sooliyan GaDiyan nain

Gal rassa phhansi da painda dissay
per deed laye akhhiyan GaDiyan nain

Patta hunda ae pyar deyan bhhukeyan noon
baheen kadon mahboob nain kaDhiyan nain
..

جِتھے اصل بہاراں لگیاں نیں
زُھرا بیگم

زنجیراں کَس کے مینوں لے چلو
جِتھے اصل بہاراں لگیاں نیں

اِک پاسے عشق ماہی دا اے
دوجے پاسے سُولیاں گڈیاں نیں

گل رسّہ پھانسی دا پیندا دِسے
پر دید لٔی اکھیاں اڈیاں نیں

پتہ ہوندا اے پیار دیاں بُھکیاں نوں
بانہیں کدوں محبوب نیں کڈیاں نیں
..

Visit Zohra Begum’s Facebook page
facebook.com/ZohraBegum

Pehlan-pehl jad sohnay vekhaaya pyara rang
vehndeyan naal main ho gaye saan dang
murr ishq te duniya vich-karay pe gaye see jang
duniya bherri haar gaye te Zohra hoi malang

Horaan rangan da loko, mann mere ch shauq na kai

Rang asli te oho hunda jehrra charrhya azli
oho sucha, sacha te sohna jehrra rab saeen da fazli
jehrra charrdeyan udd-pudd jaway oh rang akhhaway naqli
rang machda te rachda oho jehrra vich aashaq dee bukli

Horaan rangan da loko, mann mere ch shauq na kai

Sucha sohna rang loko, lakhan vichon peya sehapay
jinhoon labhan karan Zohra keetay sau seyapay
jinnan chir asli na labha assein rondrray reh aklaapay
jad labh painday rang azlaan de, aashaq rehnday gwaachay

Horaan rangan da loko, mann mere ch shauq na kai
..

من میرے چ شوق نہ رایٔ
زُھرا بیگم

پہلاں پہل جد سوہنے وکھایا پیارا رنگ
ویہندیاں نال میں ہو گیٔ ساں دنگ
مُڑ عشق تے دنیا وچکارے پے گیٔ سی جنگ
دنیا بھیڑی ہار گیٔ تے زُھراؔ ہویٔ ملنگ

ہوراں رنگاں دا لوکو، من میرے چ شوق نہ رایٔ

رنگ اصلی تے اوہو ہُندا جیہڑا چڑھیا ازلی
اوہو سُچّا، سچّا تے سوہنا جیہڑا رب سایٔں دا فضلی
جیہڑا چڑھدیاں اُڈ پڈ جاوے، او رنگ اکھاوے نقلی
رنگ مچدا تے رچدا اوہو جیہڑا وچ عاشق دی بُکلی

ہوراں رنگاں دا لوکو، من میرے چ شوق نہ رایٔ

سُچّا سوہنا رنگ لوکو، لکھاں وچوں پیا سہاپے
جنہوں لبھن کارن زُھراؔ کیتے سو سیاپے
جِناں چِر اصلی نہ لبھا اسیں روندڑے رہ اکلاپے
جد لبھ پیندے رنگ ازلاں دے، عاشق رہن گواچے

ہوراں رنگاں دا لوکو، من میرے چ شوق نہ رایٔ

..

La ellah de been vaja ke
ilalah de ramz smjha ke
mer ter sari miTa ke
apna hona saheeh kra ke
pal vich apna bana gya
kamli noon rang la gya

Ilallah de hoi gulkari
ban gayi bherri chaader phulkari
murr na rahi ae dunia-dari
chaddni paindi ae makkari
eho ee samjha gya
kamli noon rang la gya

Zarb allah-hoo de vajdi
jai loon loon vich agg machdi
nit kali bhoori badli gajdi
koi gal Zohra noon hor na jachdi
anokhay roop vekha gya
kamli noon rang la gya

Dang allah-hoo phhaneyer sapp varga
dangaindyan latha dil vala charga
ho gaye anhoni, na behnda koi jarga
daroo ke labhna jad pai gya marga
zehri viss charrah gya
kamli noon rang la gya

Hor kissay noon sapp ddangay
daroo aawan pae sat-rangay
le jan mandri daam munh mangay
sathon tan loko ohi changay
bin daroo marwa gya
kamli noon rang la gya

Vehrray allah-hoo de varr ke
vich tel karrahi tarrkay
hun pharr, panchhi peya phharrkay
booha dil da val val khharrkay
kalejrray phhat pa gya
kamli noon rang la gya

Boohay khloti aiban bhari
sabhnan toon bherri, asal nkari
aa sanyaan, ker ker mintan hari
aa vekh, phhatt laga ae bhari
Zohra nafi kra gya
kamli noon rang la gya
..

کملی نوں رنگ لا گیا
زُھراؔ بیگم

لَا إلہ دی بین وجا کے
إلا للہ دی رمز سمجھا کے
میر تیر ساری مٹا کے
اپنا ہونا صحیح کرا کے
پَل چ اپنا بنا گیا
کملی نوں رنگ لا گیا

اِلَ اللہ دی ہویٔ گلکاری
بن گیٔ بھیڑی چادر پُھلکاری
مُڑ نہ رہی اے دنیاداری
چھڈنی پیندی اے مکاری
ایہو ای سمجھا گیا
کملی نوں رنگ لا گیا

ضرب اللہ ہُو دی وجدی
جاۓ لُوں لُوں وچ اگ مچدی
نِت کالی بُھوری بدلی گجدی
کویُ گل زُھراؔ ہور نہ جچدی
انوکھے روپ وکھا گیا
کملی نوں رنگ لا گیا

ڈنگ اللہ ہُو، پھنیر سپ ورگا
ڈنگیندیاں لتھا دل والا چرگا
ہو گیٔ انہونی، نہ بہندا کویٔ جرگا
دارو کیہ لبھنا جد پے گیا مرگا
زہری وِس چڑھا گیا
کملی نوں رنگ لا گیا

ہور کسے نوں جےسپ ڈنگے
دارو آون پے ست رنگے
لے جان ماندری دام مُنہ منگے
ساتھوں تاں لوکو اوہو چنگے
بِن دارو مرواگیا
کملی نوں رنگ لا گیا

ویہڑے اللہ ہُو دے وڑ کے
وچ تیل کڑاہی تڑکے
ہن پھڑ، پنچھی پیا پھڑکے
بُوہا دل دا ول ول کھڑکے
کلیجڑے پھٹ پا گیا
کملی نوں رنگ لا گیا

بُوہے کھلوتی عیبن بھاری
سبھناں توں بھیڑی، اصل نکاری
آ سایٔاں، کر کر منتاں ہاری
آ ویکھ، پھٹ لگا اے بھاری
زُھراؔ نفی کرا گیا
کملی نوں رنگ لا گیا
..

Some Punjabi words in Urdu
kamli کملی: deewani. bherri بھیڑی: buri. chhaddni چھڈنی: chhorrni. machdi مچدی: bharkti. nit نِت: hamesha. sathon ساتھوں: ham se. changay  چنگے: behtar. vehrray ویہڑے: aangan, sehn. varr ke وڑ کے: dakhil ho ker. booha بُوہا : darvaza. val val ول ول : baar baar. phhatt پھٹ: zakhm. khloti کھلوتی: kharri. aiban عیبن: gunehgar. sabhnan toon سبھناں توں: sab se.
..

Tag Cloud